АҞӘА, ԥхынгәы 29 - Sputnik. Ажьырныҳәа 29 1945 шықәсазы Кионигсберг амҵан иҭахаз асоветтә ԥырҩы Сумбат Кочкониан иԥсыбаҩ Аԥсныҟа иааргеит.
Кочкониан афронт ахь дцеит Гагра араион Багьрыԥсҭа ақыҭантә. Иара аиааира агара уамак шагмыз хабарда дыбжьаӡуеит.
Кочкониан зекипаж далаз аҳаирплан ИЛ-2 аӷацәа ртәарҭа иақәҳаит. Аԥрыҩцәа Сумбат Кочкониани Пиотр Неумоини хабарда ибжьаӡны иҟан ҳәа ишьан.
Аибашьҩы иԥсыбаҩ ԥшаан аԥшааратә гәыԥ "Анамыс" ("Совесть") абзоурала.
"Акьыԥхьымҭа ақәҿырҭит Гьаргь Кочкониани Артур Хачатуриани, дара Сумбат иқыҭауаа игәылацәа роуп. Урҭ рыцхыраарала дыԥшаан Шәача инхо Сумбат ихьӡ зыхьӡырҵаз иашьа иԥа Сумбат Кочкониан", - абри атәы апортал "Новый Калининград" иазеиҭеиҳәеит аԥшааратә гәыԥ анапхгаҩы Руслан Хисамов.
Кочкониан иԥсыбаҩ анышә иамардеит Аԥсны иҟоу Аерман уаԥшь ацхыраарала. Анышә дарҭеит иани иаби рааигәара.
Аџьынџьтәылатә еибашьра Ду аан Аԥснынтәи афронт ахь ицеит 55 нызқьҩык инареиҳаны ауааԥсыра, урҭ рҟынтә 15 500-ҩык милаҭла иаԥсыуаан..