АҞӘА, нанҳәа 2 - Sputnik. Амаининг азы аппаратқәа закәаншьаҭада Аԥсны иалыргарц рҽазыршәеит ҳәа аанацҳауеит Аҳәынҭқарратә ҳазалхратә еилакы.
Аҳазалыҩцәа Урыстәылантәи Аԥсныҟа аҳәаа иахысуаз атәылауаҩ имашьынаҟны 15 аппарат рыԥшааит.
Административтә зинеилагаразы аматериалқәа зегьы Аҳәынҭқарратә ҳазалхратә еилакы аусҭҵааратәии аусеилыргаратәии ҟәшахьы инашьҭуп.