АҞӘА, нанҳәа 5 – Sputnik. Урыстәылатәи абааӡатәымҩангага ӷба "Сиг" амшынтә дронқәа ржәылара иахҟьаны ааха аиуит Керчтәи аӡыбжьахала аладатәи ахәҭаҟны, аекипаж ԥырхага рмоуӡеит, абри атәы аанацҳауеит РИА Новости Новороссисктәи Амшынтә Аиқәырхаратә-кооординациатә центр адыррақәа шьаҭас иганы.
Аиҭакрақәа ҳәа акгьы ыҟам, аҭыԥаҟны игылоуп. Аекипаж рҭыԥаҟны иҟоуп. Ахагаӷбақәа ҩба азааигәара игылоуп. Аӷба кылжәоуп аӡыртәаҟны, амашьынатә ҟәшаҟны. Аӡы аҭалара иаҟәыҵит", - иҳәеит ахҭыс ахҳәаа азҭаз.
ААКЦ аҟны иазгәарҭеит, абылтәы аӡымҽхак ишалымлаз, Керчтәи аӡыбжьахала аладатәи ахәҭаҟны игылаз "Сиг" аиқәырхаратә уснагӡатәқәа уахынла ишымҩаԥыргаз, уажәазы аиҭашьақәыргыларатә усурақәа шцо. Абааӡатәымҩангага ӷба ажәлара аамҭазы иҭацәын.