АҞӘА, нанҳәа 5 – Sputnik, Сариа Кәарцхьиаԥҳа. Аԥсуа ар имҩаԥыргаз ииультәи аоперациа аҳаҭыраз ихацыркуп аибашьра-ҭоурыхтә експедициа "Афырхацәа рымҩала".
Аибашьра аветеранцәа, Атәылахьчара аминистрра ахаҭарнакцәа, аҿар - Ешыра, Аԥсны раԥхьатәи ахада Владислав Арӡынба Имемориал аҟны ашәҭқәа шьҭарҵеит.
Акциа алахәылацәа Аԥсны раԥхьатәи ахада Владислав Арӡынба Имемориал аҟны ашәҭқәа шьҭарҵеит.
© Sputnik / Марианна Кубрава
Аҿари аспорти русқәа рзы аҳәынҭқарратә еилакы аҿар рыҟәша аиҳабы Идрис Кара-Осман-оӷлы иажәақәа рыла, акциа ахықәкы - агәалашәарақәа реиқәырхара ауп.
"Абарҭ аҭыԥқәа рҟны ишьаарҵәыраз ажәыларақәа мҩаԥысуан, ииультәи ажәыларагьы уахь иналаҵаны. Усҟан 39-ҩык ҭахеит. Иахьа ҳара иаҳшәу акьаҿқәа ирнуп "Аԥсра ҳазцон – аԥсҭазааразы", ари Владислав Арӡынба иажәақәа роуп. Арҭ ажәақәа рҵакы ӷәӷәоуп, ииашаҵәҟьаны усҟан ҳԥеиԥш азы аԥсра иаԥылон", - иҳәеит иара.
Акциа алахәылацәа Аԥсны раԥхьатәи ахада Владислав Арӡынба Имемориал аҟны ашәҭқәа шьҭарҵеит.
© Sputnik / Марианна Кубрава
Акциа аҳәаақәа ирҭагӡаны ахәылбыҽха ииультәи аоперациа аан иҭахаз ргәаларшәаразы ампышҭақәа ажәҩан ахь иоурышьҭуеит.
Атәылахьчара аминистрра адәынтәи акрыфара еиҿнакааит, ааԥхьара рымоуп аибашьра аветеранцәа, ҷыдала ажәылара иалахәыз, аволонтиорцәа, аҵараусбарҭақәа рыстудентцәа, аҿартә хеилакқәа рхаҭарнакцәа.