АҞӘА, нанҳәа 8 - Sputnik. Аԥсны апрокуратура хада жәларбжьаратәи-азинтә усеицура аҳәаақәа ирҭагӡаны Урыстәыла акомпетенттә усбарҭақәа рахь азыҳәа нанашьҭит Аԥсны аҳәынҭқарратә санитар-епидемиологиатә маҵзура уаанӡатәи аиҳабы Лиудмила Скорик дрырҭарц ҳәа адырра ҟаиҵеит апрокурор хада актәи ихаҭыԥуаҩ и.н. Даур Амҷба аколлегиа реилатәараҟны.
Амҷба иҳәеит, ашьауз азы заанаҵтәи аҭҵаарақәа шцо, Скорик лаанкылара шазгәаҭоу.
Асаниатратә ҳақьым хада лусура аҭыԥ аҿы дшыҟамыз еилкаахеит 2022 шықәса нанҳәамза алагамҭазы. Аԥсны Агәабзиарахьчара аминистрра аҳәамҭа ҟанаҵеит Скорик лнапхгара адырра шрылымҭаз лыҟамзаара зыхҟьаз, аӡәгьы лыҽшималымдаз, аҭел аҭак шыҟалымҵоз.
Апрокуратура хада аусбарҭа амаҵуратә гәаҭара амҩаԥгара иалагеит. Цәыббра 12 2022 шықәсазы лара лганахь ала ашьаус хацдыркит. Скорик х-миллион мааҭ инеиҳаны илтәылтәит ҳәа агәазҩара ыҟоуп.