АҞӘА, цәыббра 24 - Sputnik. Аԥсҭбара зцыз амҩан амашәыр ҟалеит Гәдоуҭа араион аҟны, абри атәы аанацҳауеит Аԥсны АҶА апресс-маҵзура.
Аусбарҭаҟны ишырҳәаз ала, иааихаз амашьынақәа руак амца акит, аиқәырхаҩцәа амца дырцәеит.
Амаҵзура "Аԥсныпресс" Аԥсны аҳәынҭавтоинспекциа аиҳабы ихаҭыԥуаҩ Асҭамыр Ҭаниа иажәақәа шьаҭас иҟаҵаны иаанацҳауеит, амашәыр ҟалеит асааҭ 14:00 рзы ҳәа. Иааихеит "Газели" "Мерседеси".
"Мерседес" арныҟәцаҩ 40 шықәса зхыҵуаз ахаҵа амашәыр ахьыҟалаз аҭыԥаҟны иԥсҭазаара далҵит. Егьи арныҟәцаҩ Гәдоуҭатәи араионтә хәшәтәырҭахь днагоуп, иҭагылазаашьа хьанҭоуп.