АҞӘА, жьҭаара 3 – Sputnik. Аԥсны адгылоит Урыстәыла Украина имҩаԥнаго аоперациа ҷыда, абас аҳәамҭа ҟаиҵеит Аслан Бжьаниа Урыстәыла адәныҟатәи аусқәа рминистр Сергеи Лаврови иареи реиԥылараан.
"Иазгәасҭар сҭахуп, иҳалшо ала Урыстәыла Украина имҩаԥнаго аоперациа ҷыда ҳшадгылаҩцәо. Ааигәа иаҳдырбон Канада апарламент аҿы СС иалахәыз напеинҟьарыла ишырԥылоз. Иҟоу аҭагылазаашьа, зыҟны аус ҳамоу убарҭоуп, убри азы аҵыхәтәанынӡа ҳшәыдгылаҩцәоуп", - иҳәеит иара.
Бжьаниа Урыстәыла анапхгара ҭабуп ҳәа реиҳәеит Аҟәатәи аҳаирбаӷәаза аиҭашьақәыргыларазы аинвестициатә проект рнапы ахьаҵарҩыз азы.
"Ари аус ҳара ҳзы аҵакы аманы иҟоуп. Акраамҭа ҳазыԥшын", - иҳәеит иара.
Аслан Бжьаниа иара убасгьы ҭабуп ҳәа ахиҳәааит ҩ-тәылауаҩрак амазааразы аиқәшаҳаҭра рнапы ахьаҵарҩыз.
Бжьаниа иҳәеит Аԥсны ауааԥсыра Урыстәыла иаԥшьнаго аинтеграциатә процессқәа ишрыдгылаҩцәо.
"Ҳара иаҳҭахуп арҭ арпоцессқәа рылахәра, урҭ Аԥсны ауааԥсыра рҭахрақәа ирықәшәоит", - иҳәеит ахада.