АҞӘА, жьҭаара 5 – Sputnik. Аԥсны асоветаамҭашьҭахьтәи аҵакырақәа рҿы имҩаԥысуа аинтеграциатә процессқәа рылахәра ареспублика адәныҟаполитикатә хықәкқәа ирықәшәоит ҳәа иҳәеит Аслан Бжьаниа "Известия" аинтервиу аҭо.
Бжьаниа иазгәеиҭеит ҳаамҭазтәи иҭышәынтәалам адунеи аҿы ареспублика иацәыуадаҩуп ахала аҟазаара, иҳадаҳкылахьоу аиқәшаҳаҭрақәа инарықәыршәаны Урыстәылеи ҳареи ҳаизыҟазаашьақәа шьақәҳаргылоит уа ишарбоу аиԥш, арахь иаҵанакуеит Москва алахәрала имҩаԥырго аинтеграциатә еидгылақәа рылахәхарагьы.
"Белоруссиа инаваргыланы аидгылатә еиқәшаҳаҭра алахәхара ииашоу хырхарҭаны иҳаԥхьаӡоит, Аԥсны аинтересқәа ирықәшәоит. Избанзар, ихьыԥшым ареспубликақәа реидгылара иҿыцу лшароуп арҭ аҳәынҭқаррақәа рҿы инхо аетносқәа рыҿиаразы, ршәарҭадара ҳаранакуеит. Аидгылатә ҳәынҭқарра алахәхара сара сгәаанагарала ҳҳәынҭқарра, ҳажәлар ринтересқәа ирықәшәо процессны избоит", - ҳәа иҳәеит ахада.