АҞӘА, жьҭаара 7 - Sputnik. Аус зуаз амаининг ферма рыԥшааит Аҟәа, Наӡаӡе лымҩаду аҟны уаанӡатәи аҭаҭын фабрика аҵакыраҿ, абри атәы аанацҳауеитАԥсны Аҩнуҵҟатәи аусқәа рминистрра апресс-маҵзура.
Афермаҿы 146 маиненг хархәагақәа аус руан. Урҭ изакәанымкәа инырхуаз афымцамч амчхара 292 кВт•с иҟан.
Аферма зтәу Гәдоуҭа араион Жәандрыԥшь ақыҭа анхаҩы Ҭаир Аршба иганахьала административтә ԥкаанҵа шьақәыргылоуп.
Даҽа 51 маиненг хархәагақәа ԥшаан Гагра араион Бзыԥҭа аҳаблан. Иааизакны акриптоферма амчхара - 110 кВт•с иҟан. Аферма зтәу Асҭамыр Арсҭаа иганахьала административтә ԥкаанҵа шьақәыргылоуп.
Амаининг хархәагақәа рымхны аамҭалатәи аҵәахырҭахь инагоуп.
Аԥсны Аминистрцәа реилазаара акриптовалиута арҳареи амаининг азы амаругақәа атәылахь ралагалареи ҟалом ҳәа аԥҟара аҿҳәара иацырҵеит ԥхынҷкәын 31 2023 шықәсанӡы.