АҞӘА, жьҭаара 13 – Sputnik. Донецктәи Жәлар Рреспублика Иреиҳаӡоу аӡбарҭа Украина арбџьармчқәа амшыншьаҟауаа хаз игоу арадиациатә, ахимиатә, абиологиатә хьчара абаталион амаҵзура аиҳабы Денис Мирза зрежим рӷәӷәоу аколониаҿ аҭакра иқәнаҵеит ҳәа аанацҳауеит Урыстәыла апрокуратура Хада.
Мирза ҩыџьеи инареиҳаны ауаа рышьра ихарартәуеит аполитикатә, аидеологиатә цәымӷра ашьаҭала, аоккупациа зызуу аҵакырақәа рҿы аграждантә уааԥсыра мҽыӷрала рызныҟәарагьы налаҵаны.
Аусҭҵаараан ишьақәыргылан 2022 шықәса хәажәкырамзазы Мирзеи иҩызцәеи Мариупольтәи иреиҳау аметаллургиатә ҵараиурҭа аҵакыраҿы ишыҟаз.
Адҵаҟаҵаҩ ари аҵакырахь инанагаз аҭынч уаҩ ишьразы адҵа анииҭа Мирза тапанчала уи диехсит.
Иара убри аамҭазы алаӷәраҵаҟаҿы Олего Завалецки ҩыџьа аҭынч уааԥсыра ишьит, аррамаҵзурауаҩ Николаи Олексенкогьы адҵа иҭан амҩа ианыланы ицоз хҩык ауаа ишьразы. Ҩыџьа ишьит, аӡәы абналара илшеит.
ДЖәР Иреиҳаӡоу аӡбарҭаҿы Завалецкии Олексенкои рганахь ала аусҭҵаара иахәаԥшуеит.