АҞӘА, жьҭаара 15 - Sputnik, Бадри Есиава. Урыстәылатәи Афедерациа аҳазалхратә маҵзура акомпиутертә система аусура аиԥҟьара иахҟьаны аԥсуа-аурыс ҳәааҿы амашьынақәа агәаран иқәгылоуп. Абри атәы иҳәеит Аԥсны аҳазалхратә маҵзура аиҳабы ихаҭыԥуаҩ Зураб Ашәба.
"Урыстәылатәи ҳколлегацәа иҳарҭаз аинформациа ала асааҭ 13:00 рзеиԥш атехника аусура еиԥҟьеит. Аҟазауаа апроблема аус адырулоит, аха макьаназы еилкаам уи анаԥыххо", - иҳәеит Ашәба.
Ашәба иажәақәа рыла, аҳәаа ахысра аԥсуа номерқәа зқәу амашьынақәа рзы иуадаҩхеит.