Урыстәыла

Украинатәи агент Ҟрым дааныркылеит

Урыстәыла АШәМ аусзуҩцәа УШәМ аус ацызуа украинатәи агентцәеи урыстәылааи рышьҭазаара мҩаԥыргоит.
Sputnik
АҞӘА, жьҭаара 17 - Sputnik. Урыстәыла АШәМ аусзуҩцәа Украинатәи агент Ҟрым дааныркылеит. Иара Украина Ашәарҭадаратә маҵзура аинформациа аиҭон ҳәа аанацҳауеит аусбарҭа апресс-маҵзура.
48 шықәса зхыҵуа Бахчисараитәи араион ауаҩԥсы УШәМ ахь инаишьҭуан "адгьылбжьахаҿы иҟоу асоциал-политикатә, аекономикатә, арратә ҭагылазаашьазы аинформациа".
Иара убасгьы инапы алакын абџьар ақәахреи аизакреи. Урыстәыла атәылауаҩ даанкылан аҵәахырҭаҟынтә арҭҟәацга анҭигоз.
Иаанкылоу иганахьала ашьаус хацыркуп аҳәаанырцә ҳәынҭқарреи аҳәаанырцә еиҿкаареи аус рыциуан, арҭҟәацгақәеи арҭҟәацгатә маҭәашьарқәеи закәаншьаҭада иааихәон, иман ҳәа гәҩарас дҟаҵаны.
Урыстәыла Донбасс имҩаԥнаго арратә операциа ҷыда
Украинатәи акомандир жәаҩык рышьразы адҵа ахьыҟаиҵаз азы иԥсахьынӡаҭоу аҭакра иқәырҵеит