АҞӘА, жьҭаара 17 - Sputnik. Аӡбарҭа УАМ амшыншьаҟауаа 36-тәи абригада, 501-тәи абатальон, 2-тәи арота акомандир Леонид Онупко ауаа рышьразы адҵа ахьыҟаиҵаз азы иԥсахьынӡаҭоу аҭакра иқәшәоит ҳәа аанацҳауеит Урыстәыла ашьаусҭҵааратә еилакы.
Онупко аполитикатәи аидеологиатәи цәымӷра ашьаҭала ҩыџьеи инареиҳани аграждантә уааԥсыра рышьразы ахара ихараҵоуп.
Урыстәыла ашьаусҭҵааратә еилакы ишьақәнаргылеит 2022 шықәса хәажәкыра инаркны мшаԥымзанӡа Онупкои инапаҵаҟа иҟаз аруааи Мариуполь ишгылаз, уа акомандир УАМ апозициақәа рааигәа иибоз аҭынч уааԥсыра рышьразы адҵа шыҟаиҵоз.
Иҟаиҵоз адҵақәа инарықәыршәаны ишьын жәаҩык аҭынч уааԥсыра, аимак иалахәымыз, украинатәи асолдаҭцәа рзы ишәарҭамыз.