АҞӘА, жьҭаара 27 – Sputnik. Урыстәылатәи аруаа ДЖәР аҿы УАМ анапхгараҭаратә ҭыԥқәа хԥа ықәрыцҟьааит уахыки-ҽнаки рыла. Абри атәы аанацҳауеит Урыстәыла атәылахьчара аминистрра.
"Донецктәи жәлар рреспублика аиланхарҭақәа Серебранкеи Новомихаиловкеи рҟны УАМ амеханизациа зызуу 67-тәии 72-тәии абригадақәа, амилаҭтә гвардиа 31-тәи аоперативтә бригада анапхгараҭарҭатә ҭыԥқәа рхәашоуп", - ҳәа аҳәоит адырраҭараҿы.
Урыстәыла аҳауаҽацәыхьчаратә хархәагақәа аицҭырҟьаратә система HIMARS, GLSDB рыхгәыцәқәа фба карыжьит, украинатәи адронқәа 27.
Купиансктәи ахырхарҭаҿы иҭархоуп УАМ аибашьцәа 225-ҩык, иаԥырҟәҟәаауп амеханизациа зызуу 41-тәи, 54-тәи, 67-тәи абригадақәа, аегерцәа 68-тәи рыбригада ржәыларақәа фба. Иҭархоуп атанк, ҩ-кәылӡмашьынак, х-автомашьынак, артиллериатә шьақәгыла "Гвоздика".
Краснолимантәи ахырхарҭаҿы иҭархоуп УАМ аибашьцәа 120-ҩык, иаԥырҟәҟәаауп амеханизациа зызуу 24-тәи, 67-тәи абригадақәа ржәыларақәа, Киев иацәыӡит аршьаҟауаа рмашьынақәа ҩба, артиллериатә шьақәгыла "Акация".
Донецктәи ахырхарҭаҿ иаԥырҟәҟәаан УАМ ажәыларатә гәыԥ Богдановка ажәылара, аӷа ааха иҭан Андреевка, Клешьеевка, Васуковка араионқәа рҿы. Киев иацәыӡит 295-ҩык аруааи, хә-кәылӡмашьынаки, ҩ-автомашьынаки, артиллериатә система М777, агаубица "Мста-Б", артиллериатә шьақәгыла "Dana".
Алада-Донецктәи ахырхарҭаҿ иҭархан шәҩык аибашьцәа, ҩ-кәылӡмашьынак, артиллериатә система М777, артиллериатә шьақәгыла "Акация", ҩ-гаубицк Д-20. Запорожиатәи ахырхарҭаҿы амеханизациа зызуу 65-тәи абригада ажәылара аԥырҟәҟәаан, иҭархан 85-ҩык асолдаҭцәа, х-танкк, Leopard, акәылӡмашьынақәа ԥшьба, ҩ-автомашьынак, артиллериатә система М777, Д-20, агаубица М119.
Херсонтәи ахырхарҭаҿы иҭархоуп 25-ҩык украинатәи аибашьцәа, х-автомашьынак, агаубица "Мста-Б", УАМ абџьарҵәахырҭа.