АҞӘА, абҵара 2 - Sputnik. Аԥсны анефтаалыҵқәа рыхәԥса иагырхоуп абҵара 1 инаркны, хаҭала абензин АИ-92 — 4,5 мааҭ рҟынӡа, абри атәы лҳәеит атәыла ахада имҩаԥигаз аилатәараҟны аԥыза-министр ихаҭыԥуаҩ, аекономика аминистр Кристина Озган.
Атәыла ахада "Аԥсны Аҳәынҭқарра 2022-2025 шш. асоциал-економикатә ҿиара" Аҳәынҭқарратә Программа анагӡара амҩаԥысшьа иазкны аилацәажәара мҩаԥигеит.
2023 шықәса алагамҭаз Урыстәылантәи иаагаз абылтәы АИ–92 литрак бжьаратәла иаԥсан:
жәабран - хәажәкыра 33,50 – 35,0 мааҭ;
мшаԥы 40,0 – 41,60 мааҭ;
ԥхынгәы-нанҳәа 51 – 52 мааҭ рҟынӡа.