АҞӘА, абҵара 12 - Sputnik. Ҭырқәтәыла еиҿкаау Аԥсуа культуратә хеидкылақәа Рфедерациа ахантәаҩыс далхуп Левенҭ Аҭрышба. Абри атәы аанацҳауеит Аԥсны Жәлар Реизара апресс-маҵзура.
Ари аҭыԥ аҟны, иара убасгьы иқәгылан Ҳасан Чычбеи Ерџьаи Ԥачкориеи ркандидатурақәагьы.
Аизара аҟны ахада иалхра анаҩсгьы, Афедерациа ахеилак аилазаара ҿыц шьақәыргылан.
Иахьатәи аамҭазы Ҭырқәтәыла еиҿкаау Аԥсуа культуратә хеидкылақәа Рфедерациа иалоуп 22 дернеқь. Арҭ ахеидкылақәа аԥҵоуп, аԥсуа-абаза жәларқәа реидкылара, ретнокультура аиқәырхара, рџьынџьԥсадгьыли дареи рыбжьара аимадарақәа рырӷәаразы.