АҞӘА, абҵара 6 - Sputnik. Урыстәылатәи ар Донецктәи Жәлар Рреспублика Красноармеискии Новоселовкеи араионқәа рыҟны украинатәи адҵаҟаҵаратә ҭыԥқәа ҩба ҭадырхеит ҳәа аанацҳауеит Урыстәыла Атәылахьчара аминистрра.
"Аоператив-тактикатә авиациеи, аԥырҩы дызҭам ахархәагақәеи, аракетатә ари, артиллериеи иҭадырхеит: Донецктәи Жәлар Рреспублика Красноармеискии Новоселовкеи араионқәа аиланхарҭақәа рыҟны УАМ 53-тәи амеханизациа зызу атылтә адҵаҟаҵаратә ҭыԥи 31-тәи амеханизациа зызу абригадеи", - ҳәа аҳәоит адырраҭараҿы.
Урыстәыла аҳаир хыхьчаратә хархәагақәа уахыки-ҽнаки рыла украинатәи адронқәа жәба карыжьит.
Аусбарҭа иара убасгьы иаанацҳауеит, Купиантәи ахырхарҭаҿы уахыки-ҽнаки рыла украинатәи арбџьармчқәа ржәыларақәа ҩба шаԥырҟәҟәааз. Аӷа ицәыӡқәа - 45-ҩык асолдаҭцәа, автомашьынақәа ҩба.
Краснолимантәи ахырхарҭаҿы агәыԥ "Центр" аибашьцәа иаԥдырҟәҟәааит украинатәи амеханизациа зызу 60-тәи абригада ажәылара. Иҭархоуп 250-ҩык рҟынӡа аибашьцәа, аибашьыгатә кәылӡмашьынақәа ҩба, автомашьынақәа ԥшьба.
Донецктәи ахырхарҭаҿы урыстәылатәи аруаа еиԥдырҟьеит 79-тәи Украина адесант-жәыларатә бригада ажәылара, амеханизациа зызу 93-тәи абригада атехникеи аруааи ҭархоуп. Киев иацәыӡит 270-ҩык рҟынӡа асолдаҭцәеи, аибашьыгатә кәылӡмашьынақәа ҩбеи, апикапқәа хԥеи, арадиолокациатә станциа AN/TPQ-37.
Херсонтәи ахырхарҭаҿы урыстәылатәи ар иҭадырхеит 55-ҩык рҟынӡа асолдаҭцәа, автомашьынақәа ҩба.