АҞӘА, ажьырныҳәа 5 - Sputnik. Ашьапылампыл азы Адунеи ачемпионат ConIFA World Football Cup 2024 мҩаԥгахоит Ирактәи Курдисҭан, рашәара 25 инаркны ԥхынгәы 6 рҟынӡа.
Аԥсни Арцахи ConIFA-2024 ахь анеиразы еицыхәмарраны иҟан рашәара 10 2023 шықәсазы. Ахәмарра мҩаԥгамызт аҟынтә, ачемпионат аиҿкааҩцәа Аԥсны алахәхараы аӡбамҭа рыдыркылеит.
Аахыҵ Уаԥстәыла алԥшааратә хәмаррақәа рҟынтәи ахы иақәиҭуп, Адунеи ачемпионат ус иалахәхоит.
Ихьыԥшым ашьапылампылтә ассоциациақәа рконфедерациа еиҿкаан 2013 шықәсазы. ConIFA еиднакылоит официалла FIFA иалам атәылақәеи автономиақәеи еизгоу ркомандақәа, урҭ рхыԥхьаӡара 25 рҟынӡа иҟоуп.
2016 шықәсазы ашьапылампыл азы Европа ачемпионат ConIFA Аԥсны имҩаԥысуан, усҟан Аԥсны еизгоу амилаҭтә команда аиааира агеит.