АҞӘА, ажьырныҳәа 10 - Sputnik. Аԥсны атәылауаҩ Давид Сабекьиа дҭахеит Херсонтәи аобласт аҿы аиҿахысрақәа раан, абри азы Sputnik адырра аиҭеит Донбасс ацхыраара аҭаразы иаку Аԥсны ацентр анапхгаҩы Вадим Мироненко.
Сабекьиа Урыстәыла Арбџьармчқәа рыруаҩс дыҟан.
Ԥхынҷкәынмзазы Аԥсныҟа иааргеит Донбасс ахақәиҭтәразы иҭахаз Ҭемыр Хариашвили иԥсыбаҩ.
Ростовнтәи Шәачаҟа аибашьҩы иԥсыбаҩ урыстәылатәи аган иааганы Аԥсны АҶА амедусбарҭа аусзуҩцәа ирырҭеит.