АҞӘА, ажьырныҳәа 13 - Sputnik. Риҵатәи апарк аҟны автомашьына аӡы иалаҳаит ажьырныҳәа 12 рзы ҳәа аанацҳауеит Аԥсны АҩАР апресс-маҵзура.
Заанаҵтәи адыррақәа рыла, асы ӷәӷәаны иахьышьҭоу иахҟьаны амашьынарныҟәцаҩ амашьына аԥсҟы изаанымкылаӡеит. Амашәыр иақәшәаз ахәшәтәырҭахь инагоуп.
АҩАР аҟны иазгәарҭеит, аӡынтәи арезинақәа зҵам амашьынақәа Риҵаҟа ахалара азин шрымам. Иара убас, Аҳәынҭавтоинспекциа иҷыдоу агәыԥ аӡиаҟа ухазгало амҩа зегь аҟны агәаҭарақәа шымҩаԥырго.
Аҳәынҭавтоинспекциа аиҳабы ихаҭыԥуаҩ Асҭамыр Ҭаниа иҳәеит жәабала амашьынақәа шьҭахьҟа ишыргьежьыз.