АҞӘА, ажьырныҳәа 27 - Sputnik. Ленинград анемеццәа рҟынтәи аблокада ахыхра 80 шықәса ахыҵра иазкыз аусмҩаԥгатә мҩаԥысит Гал акультура ахан аҟны асабша, ажьырныҳәа 27 рзы.
Ашьыжь, ажьырныҳәа 27 рзы Аџьынџьтәылатә еибашьра Дуӡӡа аҟны иҭахаз рбаҟа амҵан ашәҭшьыҵәрақәа рышьҭаҵара мҩаԥысит.
Араион ахада ихаҭыԥуаҩ Даур Ақаҩба иажәақәа рыла, раԥхьаӡа акәны араион аҟны имҩаԥысит аибашьра Ду иазкны аусмҩаԥгатә.
Агәаларшәагатә уснагӡатә иалахәын араион ахадара, Аԥсны иҟоу Урыстәыла ацҳаражәҳәарҭеи Россотрудничествеи рхаҭарнакцәа, ауаажәларра.