АҞӘА, жәабран 18 - Sputnik. Леуарса Быҭәба исахьаҭыхымҭақәа цәыргахоит иара даниз амш аҽны, жәабран 21 рзы акультура-гәыҳалалратә платформа "Гәыма" аҟны.
Ацәыргақәҵаҟны инагахоит ахатәы коллециақәа рҟынтәии Амилаҭтә галереиа иалаблыз иусумҭақәа ирықәҭыхуи асахьаҭыхымҭақәа. Аҭааҩцәа алшара рымоуп, уаанӡа ицәыргамыз аусумҭақәа рбара.
Аплатформа "Гәыма" аҳәаақәҵаҩ Шьарида Ҭыжәԥҳа илҳәеит, ахатә коллекциақәа рҟны иҟоу аусумҭақәа урҭ рыԥшәмацәа ирҭахны инаргар гәахәарыла ишрыдыркыло.
Леуарса Быҭәба — Аԥсны Асахьаҭыхыҩцәа реидгыла алахәыла. 1998 шықәса инаркны напхгара аиҭон, ицхәыцуаз иҩызцәеи иареи иаԥырҵаз Аԥсны зхы иақәиҭу асахьаҭыхыҩцәа Рассациациа.
Леуарса Быҭәба иусумҭақәа цәырыргахьан Америка, Германиа, Франциа, Италиа, Урыстәыла, Швеицариа, Ҭырқәтәыла, Иапониа еиуеиԥшым аиԥыларақәеи аколлекциақәеи рыҟны.
Леуарса Быҭәба — "Ахьӡ-аԥша" аорден аескиз давторуп. Ихаҭагьы ианашьан "Ахьӡ-аԥша" аорден II аҩаӡара.