АҞӘА, жәабран 19 - Sputnik. Урыстәылатәи атуроператорцәа аӡәгьы макьана ирабжьеимгацт Аԥсныҟа атурқәа рымҭиларц азы ҳәа адырра ҟанаҵеит АТОР.
Ахәаша Урыстәыла Адәныҟатәи аусқәа рминистрра а-Telegram-канал аҿы ахҳәаа анаҭеит Аԥсны атәылауаҩ Едгар Абыхәба иҭакра аҿҳәаразы иҟоу аҭагылазаашьа. Аусбарҭаҿы ауаа ргәы рҽанырҵеит аԥснытәи акурортқәа ирҭаауа аҳәаанырцәтәи асасцәа ашәарҭара иҭагылар шауа.
"Ҷыдала ауаа азҿлымҳара азырурц ҳҭахуп - ас еиԥш иҟоу агәҽанҵарақәа официалтәӡам, "Урыстәылатәи Афедерациаҿы атуристтә усура ашьаҭақәа" рзы Афедералтә закәан 14 инақәыршәаны атәылауаа ршәарҭадареи ргәабзиареи ашәарҭара ишҭагылоу атәы аҳәом", – ҳәа азгәарҭеит АТОР аҿы.