АҞӘА, хәажәкыра 7 - Sputnik.Аԥснытәи аҳазалхыҩцәа аушьҭырҭатә ҭыԥ "Ԥсоу" аҿы автомашьына Renault Logan 398 паҷка аконтрабандатә сигарет шҭаз рбеит, абри атәы аанацҳауеит Аԥсны АҳЕ.
Ашәҟәы иҭагаламыз аалыҵ ахәҭак амашьына акапот аҵаҟа иҭаҵәахын, егьи ахәҭа – амашьынарныҟәцаҩи апассаџьыри рҭыԥқәа рыҵаҟа.
Асигаретқәа рымхуп, аматериал нашьҭуп Аԥсны Аҳазалхратә еилакы аҭҵааратә ҟәшахьы.