АҞӘА, мшаԥы 29 – Sputnik. Аԥсны Аҳазалхратә маҵзура аусзуҩцәа аԥсуа-аурыс ҳәааҿы амаининг азы ахархәагақәа реиқәыршәагақәа мҩанызгоз ирымырхит. Абри атәы аанацҳауеит Аԥсны Аҳәынҭқарратә Аҳазалхратә маҵзура апресс-маҵзура.
Апроцессорқәа рырхьшәашәаразы акулерқәа 20, афымцатә еидҳәалагақәа 30 ареспубликахь аагара иҽазишәеит Аԥсны атәылауаҩ Д.Л. Аҩӡба. Дара ԥшаан автомашьына Ford аҟны.
Аус аматериалқәа нашьҭуп Аҳазалхратә еилакы аҭҵааратә ҟәшахьы.
Аԥсны аиҳабыра ареспубликахь акриптовалиута арҳаразы ахархәагақәа ралагалара азин ааннакылеит 2020 шықәсазы. Уи ашьҭахь акырынтә аҿҳәара инахахьан. Уажәы 2024 шықәса ԥхынҷкәын 31 рҟынӡа аҿҳәара шьақәыргылоуп.