АҞӘА, рашәара 2 — Sputnik. Амаининг азы 130 маруга рымхуп Аҟәа 2024 шықәса ажьырныҳәа инаркны рашәарамзанӡа. Абри атәы иҳәеит Аҟәа ақалақь ахада Беслан Ешба Атәыла ахада иусбарҭаҟны имҩаԥысыз аилатәараҟны.
2024 шықәса актәи аԥшьбараз 1296 уадеи, 545 ахатәы ҩнқәеи, 202 аӷәраҵеи ахьеимдааз ирбеит 42 маруга, даҽа 88 ԥшаан мшаԥымзеи лаҵарамзеи рзы.
Аԥсны аенергосистема ахьуашәшәыроу иахҟьаны акриптовалиута арҳара азин ыҟам. Уажәы 2024 шықәса ԥхынҷкәын 31 рҟынӡа аҿҳәара шьақәыргылоуп.