АҞӘА, рашәара 6 — Sputnik. Аԥсны ахада Аслан Бжьаниа Петербургтәи Жәларбжьаратәи аекономикатә форум аҳәаақәа ирҭагӡаны аиԥыларақәа жәпакы мҩаԥигеит. Абри атәы аанацҳауеит атәыла ахада ипресс-маҵзура.
Ҩганктәи аекономикатә усеицзура иалацәажәеит Аслан Бжьаниеи Урыстәыла аԥыза-министр ихаҭыԥуаҩ Александр Новаки, Петербурги Ленинградтәи аобласти ргубернаторцәа Александр Беглови Александр Дрозденкои, Башкортосҭани, Адыгеи, Нхыҵ Кавказ егьырҭ ареспубликақәа рхадацәеи.
Аиԥылараҟны ирзааҭгылан ахәааҳәҭра-економикатә еимадарақәеи, аинвестициеи, атуризми, аинфраструктуратә проектқәеи реизырҳара азҵаатәқәа.
Уаҵәы, рашәара 7 рзы, Аԥсны ахада зхадараҿы дыҟоу аԥсуа делегациа алахәхоит апленартә еилатәара, уаҟа ажәахә ҟаиҵоит Владимир Путин.