АҞӘА, рашәара 7 — Sputnik. Рашәарамзазы Аԥсны атурқәа ркассабӷьыцқәа бжьаратәла 29% еизҳаит лаҵарамза иаҿырԥшны.
АТОР ишаанацҳауа ала, аԥсшьара алагамҭаз ареспубликаҟны рыҟазаарагь иацлеит.
"Рашәарамзазы Аԥсны атурқәа ркассабӷьыцқәа рымҩақьыра налаҵаны 96300 мааҭ артәоит, бжьаратәла бжьаха аԥсшьараз", — рҳәоит ассоциациа аҟны.
Атурқәа рыҭира астатистиказ "Слетать. ру" адыррақәа рыла, рашәарамзазы иҭиу атурқәа зегьы рҟынтәи 45% Гагра алырхит. Аҩбатәи аҭыԥ ааннакылоит Пицунда — 28%, Гәдоуҭеи Аҟәеи рраионқәа — 13%, 11%.
Атуризм аминистрра заанаҵтәи адыррақәа рыла, аԥхынтәи амзақәа рзы Аԥсныҟа иаар ҟалоит 1,15 миллионҩык урыстәылатәи атуристцәа, урҭ рҟынтәи 40% — Шәачантәи мышкы ҳәа иаауа аԥсшьаҩцәа роуп. Атуристцәа рхыԥхьаӡара 15% иацлоит.