АҞӘА, ԥхынгәы 2 — Sputnik. 2024 шықәса ажьырныҳәамза инаркны рашәарамзанӡа 23-нызқьҩык инареиҳаны апассаџьырцәа мҩаԥнагеит адәыӷба "Ласточка" Шәачантәи Гагранӡа.
"Аԥсны аихамҩақәа" рҟны ишырҳәо ала, рашәарамзазоуп ауаа еиҳа ианырацәаз, усҟан имҩаԥган 7890-ҩык.
"Ласточка" 2023 шықәса рашәарамзаахыс Аԥсни Шәачеи ирыбжьысуеит. Ари аамҭа иалагӡаны адәыӷбала ареспубликахь иаахьеит 73 105-ҩык атуристцәа.
Сынтәа адәыӷба Аҟәанӡа ааразы аԥышәаратә реис мҩаԥган, уажәы аусурақәа мҩаԥысуеит "Ласточка" аҳҭнықалақь аҟынӡа аныҟәаразы.