АҞӘА, цәыббра 6- Sputnik. 15 000 инареиҳаны Аԥсны иҭыжьу аԥсуа рҵагашәҟәқәа цәыббрамзазы Аҵара аминистрра иашеит ашколқәа рҟны ҳәа лҳәеит аминистр ихаҭыԥуаҩ Ада Кәарҷелиаԥҳа арадио Sputnik аинтервиу аҭо.
"Ари апроцесс макьанагьы ицоит. Еиҭа иааргараны иҟоуп Аԥсны аҭоурых азы ашәҟәи аҽа шәҟәқәаки", - ҳәа лҳәеит лара.
Кәарчелиаԥҳа иара убасгьы илҳәеит, атәылаҿ 60 000 рҟынӡа урыстәылатәи арҵагашәҟәқәагьы шазымхо. Ари зыхҟьаз шықәсқәак раԥхьа ареспубликахь иааргаз ашәҟәқәа ахьажәыз ауп.