АҞӘА, цәыббра 11– Sputnik. Александр Анқәаб дидикылеит Жәларбжьаратәи Аџьар Ҟаԥшь Аилак хабарда ибжьаӡыз азҵаарақәа рзы Кавказ иҟоу ахаҭарнак Анес Коту.
Коту иазгәеиҭеит Аилак аусура ахықәкы хада- хабарда ибжьаӡыз рыԥшаара мацара шакәым, урҭ рышьақәырӷәӷәараҿы агха аҟамҵарагьы шхымԥадоу.
Аԥсны аԥыза-министр Аилак аусура ишацхраауа атәы иҳәеит.
Адәныҟатәи аусқәа рминистрра адыррақәа рыла, Аԥсны Жәлар Рџьынџьтәылатә еибашьраан хабарда ибжьаӡит 1865-ҩык, урҭ рҟынтәи 285-ҩык рыԥшаахьеит, рхаҭарагьы шьақәдыргылахьеит. Аԥсуа ган ала хабарда ибжьаӡит ҳәа ишшьоу 170-ҩык. 46-ҩык ԥшааны, рхаҭарагьы шьақәыргыланы рҭаацәа ирырҭахьеит.