АҞӘА, цәыббра 14 – Sputnik. Амашьына ҿыцқәа ааба рыла Аԥсны аҳәынҭавтоинспекциа автопарк харҭәаауп ҳәа аанацҳауеит азинхьчаратә усбарҭа.
Аԥсны аҳәынҭавтоинспекциа аиҳабы и.н. Дамеи Аҩӡба иажәақәа рыла, аԥсуа наплакҩцәа иҟарҵаз ацхыраара иабзоураны иаахәан амашьына Toyota Camry.
Амашьынақәа аҳәынҭавтоинспекциа аҭара иалахәын Атәыла ахада Аслан Бжьаниеи аҩнуҵҟатәи аусқәа рминистр Роберт Кьиути. Бжьаниа агәыӷра ааирԥшит аҳәынҭавтоинспекциа аусура аиӷьтәреи амҩатә машәырқәа рмаҷреи рзы амашьынақәа цхыраагӡахап ҳәа.