АҞӘА, жьҭаара 11 - Sputnik. Аслан Бжьаниа Аԥсны аррамаҵзурауаа Арбџьармчқәа рымш рыдиныҳәалеит.
"Ари амш Ҳаԥсадгьыл ахьчараан иаашәырԥшуа шәгәамчи шәгәымшәареи ирсимволуп. Шәуалԥшьа анагӡареи шәзанааҭҩаӡара аҳаракыреи ҳтәыла ашәарҭадареи аҭышәынтәалареи ирышьаҭоуп", — ҳәа аҳәоит атәыла ахада иҟаиҵаз адныҳәалара.
Иара иазгәеиҭеит, аԥсуа ари урыстәылатәи рколлегацәеи дареи иахьа Аԥсны аҳәаақәа шеицырыхьчо.
Аҳәынҭқарра ар рматериал-техникатә еиқәыршәара аиӷьтәразы иалшо зегьы ҟанаҵоит ҳәа инаҵшьны иҳәеит Бжьаниа.
1992 шықәса жьҭаарамза 11 рзы Аԥсны Иреиҳаӡоу Ахеилак ахантәаҩы Владислав Арӡынба Атәылахьчара аминистрреи Аштаб хадеи раԥҵаразы Аусԥҟа инапы аҵаиҩит.