АҞӘА, абҵара 5 - Sputnik. Риҵа инаркны Ауадҳараҟа узго амҩеи аӡиа аҩадатәи ахәҭагьы 3-4 мшы ҳәа иадыркит аҭааҩцәа рзы, асы ахьлеиз, амҩақәагьы иахьрықәҵааз иахҟьаны. Абри атәы арадио Sputnik аҿы иҳәеит Риҵатәи ареликттә милаҭтә парк абнахылаԥшҩы хада Ҭенгиз Џьергьениа.
Аӡынразы 40-тәи акилометр ашьҭахь амҩа зынӡа иадыркырц ргәы иҭоуп, амашәырқәа ҟамларацы ҳәа азгәеиҭеит иара.
Иахьа илеиз асы аҿыгҳара 25 сантиметра иҟан ашьыжь. Амилаҭтә парк аусзуҩцәа ауаа ирабжьыргоит Риҵаҟа ихало амашьынақәа рыгьежьхарԥақәа аӡынтәиқәа рыла ирыԥсахырц.