АҞӘА, абҵара 15 - Sputnik. Аԥсны ахада Иусбарҭа Урыстәылеи Аԥсни рыбжьара аинвестициатә еиқәшаҳаҭра ашьақәырӷәӷәаразы азакәан апроект Апарламент аҟынтәи архынҳәразы адокумент архиара иаҿуп ҳәа аанацҳауеит аҳәынҭқарра ахада ипресс-маҵзура.
Аӡбара рыдыркылеит ареспубликаҿы аҭагылазаашьа аҭышәынтәаларазы.
Аиқәшаҳаҭра ашьақәырӷәӷәара иақәшаҳаҭым ашәарҭадаратә мчрақәа наскьацаны Аԥсны Апарламент ахыбра иҩналеит, аԥенџьырхыцқәа еимыхны.
Уаанӡа атәыла ахада ипресс-маҵзура адырра ҟанаҵахьан, Бжьаниа ареспубликаҿы аҭагылазаашьа аҭышәынтәаларазы аусмҩаԥгатәқәа мҩаԥигоит ҳәа. Иара Аҟәа дыҟоуп.
Аҳәынҭқарра ахыбрақәа рахь инеиз аоппозициа анапхгаҩцәа адҵа ҟарҵеит аинвестициатә усуразы Урыстәылеи Аԥсни ирыбжьарҵаз аиқәшаҳаҭра Апарламент аҟынтәи аирхынҳәызарц.
Еизаз рҟынтәи ааԥхьарақәагьы ыҟан, атәыла ахада инапынҵақәа рышьҭаҵаразы.