АҞӘА, абҵара 27 — Sputnik. Аԥсны аҭагылазаашьа ҭышәынтәалоуп, иҭынчуп ҳәа аҳәамҭа ҟанаҵеит Аԥсны адәныҟатәи аусқәа рминистрра.
"Абҵарамза агәазы аҭыԥ змаз аполитикатә кризис аҭыԥантәи, аҩнуҵҟатә аполитикатә ҟазшьа аман, насгьы аконституциа аҳәаақәа ирҭагӡаны ихыркәшахеит. Атәылаҿы аҭагылазаашьа ҭынчуп, аҳәынҭқарратә усбарҭақәа еснагь еиԥш рнапынҵақәа нарыгӡоит", — ҳәа азгәаҭоуп аҳәамҭаҿы.
Аусбарҭа иазгәанаҭоит, аилаҩынтрақәа ирызку иарбан ҳәамҭазаалак шҵабаргым, насгьы Аԥсныҟа иаауа асасцәа рзы агәҭынчымра аарԥшразы шҵаҵӷәыдоу, шәарҭара шыҟам.