АҞӘА, ԥхынҷкәын 8 — Sputnik. Аҟәа ақалақь аҿы иҟоу атеатрқәа зегьы русура иацҵахоит алашара арцәара аамҭеихша шырӷәӷәоугьы ҳәа Sputnik иазеиҭарҳәеит акультуратә усбарҭақәа рнаԥхгаҩцәа.
Аспектакльқәа анымҩаԥысуа адизельтә фымцагенераторқәа ахархәара роуеит.
РУСДРАМ анапхгаҩы Иракли Хынҭәба иҳәеит аспектакльқәа жәпакы рахь абилетқәа шырҭихьоу, убри аҟнытә ахәаԥшцәа ргәы акажьра шыҟамло.
"Ас еиԥш иҟоу аҭагылазаашьаҿы зегь реиҳа ихадоу ауаа рыԥсҭазаараҿы лашарак иадамзаргьы аҟаҵара ауп, насгьы атеатр уи аҭагылазаашьа рнаҭоит”, — ҳәа инаҵшьны иазгәеиҭеит иара.
Хынҭәба иазгәеиҭеит, аамҭеихша ҿыц атруппа русураҿы ауадаҩра дуқәа шцәырнаго.
"Агәыӷра ҳамоуп, ҳауаажәлари ҳареи ари ахгара ҳалҳаршап ҳәа, Аангылара ҳгәы иҭаӡам", — иҳәеит иара.