АҞӘА, ԥхынҷкәын 22 - Sputnik. Аԥсны Жәлар Реизара адепутат Адгәыр Ҳаразиа иганахьала ашьаус хацыркуп.
Иара гәҩарас дрымоуп гәҭакрала азеиԥшшәарҭаратә уаҩшьреи азеиԥшшәарҭаратә уаҩшьра аҽазышәара ҟаиҵеит ҳәа.
Ауснагӡатәқәа мҩаԥысуеит иара дахьыҟоу аилкааразы ҳәа аанацҳауеит Аԥсны апрокуратура хада.
Ԥхынҷкәын 19 рзы Апарламент аҿы иҟалаз ахысраан дшьын адепутат Вахтанг Гәаланӡиа, дхәын адепутат Кан Кәарҷиа. Гәҩарас ирымоу Адгәыр Ҳаразиа аҭыԥ аҟынтәи иҽиӡеит.
Ԥхынҷкәын 21 рзы Аҧсны Жәлар Реизара адепутатцәа изаамҭанытәим аилатәараҿы еицҿакны Адгәыр Ҳаразиа идепутаттә кьымсра ихырхит.