АҞӘА, ԥхынҷкәын 22 - Sputnik. Есышықәсатәи итрадициатәу ахныҳәара мҩаԥган Лыхны ақыҭан, ԥхынҷкәын 22 рзы.
Аныхаԥааҩы Кәытка Шьаҟрыл Sputnik ишазеиҭеиҳәаз ала, Аԥсны жәлар Рџьынџьтәылатә еибашьра ааилгазар, есышықәса инеиҭак-ааиҭакуа аԥшьаҭыԥқәа рҟны рыжәлари рыԥсадгьыли рныҳәоит. Ари аныҳәара аныхаԥааҩцәа зегьы алахәуп.
Сынтәа ахныҳәара далахәын Аԥсны ахада ин.н. Бадра Гәынба.
Иааиуа ашықәс азы аныҳәара мҩаԥгахоит Ԥсҳәы ақыҭан.