АҞӘА, ԥхынҷкәын 27 - Sputnik. Пицундеи Гәдоуҭа араион Хыԥсҭа ақыҭеи рҿы аҳазалхратә ҭыԥ "Ԥсоу" азинхьчаратә ҟәша аусзуҩцәа 23 маининг-аппарат рыԥшааит.
Аҳәынҭқарратә ҳазалхратә еилакы излаанацҳауа ала, Пицунда, Агрба имҩаҿы иҟоу ахатәыҩны аккомерциатә хәҭаҿы 19 аппарат рыԥшааит. Урҭ атәылауаҩ Быҭәба итәын. 13 фымцаҳа еиҿаԥшьын, аха уи аамҭазы аус руамызт.
Атәылауаҩ Џьниа иитәыз даҽа 4 аппаратк аарԥшын Хыԥсҭа ақыҭан иҟоу ахатәыҩны аҿы. Урҭ афымцамчҳа иаҿаԥшьын.