АҞӘА, жәабран 6 - Sputnik. Урыстәылатәи "ЮВТ Аэро" Аҟәаҟа аԥырра иалагоит. Ари ахырхарҭа азы азҿлымҳара аадырԥшит даҽа ҩ-наплакык ҳәа иҳәеит Урыстәыла Атранспорт аминистр Роман Старовоит Аԥсны аполитикатә усзуҩ Бадра Гәынба иԥылараан.
"Ари, жәаҳәарада, урыстәылауаа Аԥсны раҭааразы илшара бзиоуп. Насгьы уи акырӡа аҵанакуеит Аԥсны аекономикатә ҿиара амчхаразы. Араҟа аҩганктәи ринтересқәа ыҟоуп", - иҳәеит аминистр.
Уаҵәы Владислав Арӡынба ихьӡ зху еиҭашьақәыргылоу аҳаиртә баӷәазахь аԥышәаратә ԥырра мҩаԥысуеит. Атуристтә аамҭахәҭа алагамҭазы иааиԥмырҟьаӡакәа аҳаиртә ԥыррақәа раартра азгәаҭоуп.