АҞӘА, жәабран 15 - Sputnik. Алхратә ҭыԥқәа рҿы ҭынчроуп, азакәан еилагарақәа ҳәа акагь арбаӡам ҳәа инаҵшьны иазгәеиҭеит Аԥсны аҩнуҵҟатәи аусқәа рминистр ин.н. Роберт Кьиут аабрифинг аҿы.
Иааизакны алхратә ҭыԥқәа рҿы ауаажәларратә ҭышәынтәалара иалахәуп 900-ҩык инареиҳаны амилициа аусзуҩцәа.
Иахьа Аԥсны аҳәынҭқарра ахада заанаҵтәи иалхрақәа мҩаԥысуеит. Атәылаҿы иаартуп 152 алхырҭатә ҭыԥ, даҽа ҩба — Урыстәыла.
Алхрақәа ирылагеит ашьыжь асабша, жәабран 15 асааҭ 08:00 рзы, алхырҭатә ҭыԥқәа рышәқәа адыркуеит ахәылбаҽха асааҭ 20:00 рзы.
Аҳәынҭқарра ахадарахьы иқәгылоуп хәҩык акандидатцәа – Бадра Гәынба, Адгәыр Арӡынба, Роберт Аршба, Олег Барцыц, Адгәыр Хәырхәмал. Аиааира игеит ҳәа дрыԥхьаӡоит алхыҩцәа рзеиԥш хыԥхьаӡара аҟнытә 50 проценти даҽа бжьыки зауз акандидат.