АҞӘА, жәабран 16 - Sputnik. Урыстәыла иҟоу алхырҭатә ҭыԥқәа рҿы Аԥсны ахада иалхрақәа актәи атур аҿы имҩаԥгаз абжьыҭара алҵшәақәа рзы адырра ҟанаҵеит атәыла Алхратә комиссиа хада.
Москва алхратә процесс бзианы еиҿкаан, шьыжьнаҵы алхыҩцәа рацәаны инеиуан ҳәа иҳәеит Аԥсны АКХ алахәыла Омар Смыр. Иара иҳәеит Москва абжьыҭарақәа рлҵшәақәа ртәы:
️Адгәыр Арӡынба — 1029-ҩык;
Роберт Аршба — 227-ҩык;
Олег Барцыц — 162-ҩык;
Бадра Гәынба — 1190-ҩык;
Адгәыр Хәырхәмал — 12 -ҩык;
Зегьы ирҿагыланы — 48-ҩык;
Ибжьыхыз абиуллетенқәа — 23.
Москва абжьыҭара зҭахыз зегьы иахьӡаны рыбжьы арҭеит ҳәа азгәеиҭеит Смыр.
Иара убас, Черқьесск алхратә ҭыԥ аҿы рыбжьы арҭеит 1860-ҩык .Черқьесск алхратә ҭыԥ аҿы алхрақәа рылҵшәақәа:
Адгәыр Арӡынба — 911-ҩык;
️Бадра Гәынба — 798-ҩык;
️Адгәыр Хәырхәмал — 58-ҩык;
️Роберт Аршба — 53-ҩык;
️Олег Барцыц — 40-ҩык.