АҞӘА, хәажәкыра 7 - Sputnik. Урыстәылатәи аруаа хәажәкыра 1 инаркны 7 рҟынӡа Иҷыдоу арратә операциа азонаҿы ихықәкылатәу быжь-аахак ҟарҵеит ҳәа аанацҳауеит Урыстәылатәи Афедерациа Атәылахьчара аминистрра.
Ажәылара иахықәкын арратә ҳаирбаӷәазақәа ринфраструктура, аԥырҩы дызҭам ахархәагақәа рыҵәахырҭақәеи разыҟаҵарҭақәеи, аџьаԥҳаны ашьҭаҵарҭақәеи, ашхәақәа ргыларҭақәа, украинатәи ари аҳәаанырцәтәи аибашьцәеи ргыларҭақәа, аӷа итехника.
Иарбоу аамҭазы рхы иақәиҭтәын аиланхарҭақәа: Скудное, Бурлацкое, Привольное, Андреевка. Иара убас, аҳауаҽацәыхьчаратә хархәагақәа икарыжьит JDAM ҳәа изышьҭоу авиациатә бомбақәа 21, аицҭырҟьаратә системақәа HIMARS, ареактивтә ракетақәа хәба, украинатәи адронқәа 637. Амчыбжь аҩныҵҟа 35-ҩык украинатәи аруаа тҟәан.
Арратә операциа ҷыда иалагазар иҭархоуп: 656 ҳаирплан, 283 вертолиот, аԥырҩы дызҭам ахархәагақәа 45 471, 600 ЗРК, 22 076 танки егьырҭ аибашьыгатә кәылӡмашьынақәеи, РСЗО амашьынақәа 1 523, артиллериеи аминаршәгақәеи 22 333, иҷыдоу аибашьыгатә автомабилтә техника 32 573 ак.