АҞӘА, рашәара 24 – Sputnik. Гьачрыԥшьтәи абжьаратә школ аҵаҩы Арина Оганиан иҷыдоу апроект "Еснагь сыхиоуп!" "Урыстәыла - Алшарақәа рыдгьыл" аҳәаақәа ирҭагӡаны иаԥҵоу аԥшьгара "Даҽа уск" афинал аҟны днеит.
Аицлабра еиднакылеит 14-17 шықәса зхыҵуа 3000-ҩык инареиҳаны алахәылацәа.
Афиналистцәа аҟазаратә уснагӡатә нарыгӡароуп: "Сгәацԥыҳәара ахыҵхырҭақәа" ҳәа атема ала жә-сахьак зну аҭыжьымҭа архиара. Аидеиа, авизуалтә ҭыхымҭақәа, аоригиналра, асоциалтә еимадарақәа рҿы иҟоу ақәҿыҭра ахәшьара рыҭахоит.
Аицлабра аихшьаалақәа инарықәыршәаны, аиааира згаз 200-ҩык Солнечногорск ақалақь аҿы иҟоу Сенеж анапхгаратә цех аҿы азыҟаҵаратә курс ахь ицоит.
Иҷыдоу апроект апионертә еиҿкаара 100 шықәса ахыҵра иазкуп, ԥшьынтәуп имҩаԥысуеижьҭеи.