АҞӘА, ԥхынгәы 1 - Sputnik. Омар Хагәышь амчра ахаҭарнак иганахь ала ақәымчра ихы иаирхәеит, иара убасгьы закәаншьаҭада абџьар ҵәахны иман, иагьныҟәигон ҳәа ахара идырҵеит.
Иреиҳаӡоу аӡбарҭа аӡбала, Хагәышь быжь-шықәсеи 11 мзи азеиԥш режим змоу ариашаратә колониаҿы ҭакрала ахгара иқәырҵеит.
2021 шықәса абҵарамзазы Омар Хагәышьи Амир Кьетиеи Гагра АҩАР аамҭалатәи аанкыларҭаҿы зҽызшьыз Анри Аҭеиба ишьоура гәҭакыс иҟаҵаны, Гагра ақалақь аҿы амилициа аусзуҩцәа ирықәлеит. Урҭ раанкылараан Кьетиа дҭахеит, Хагәышь дырхәит.