АҞӘА, нанҳәа 7 - Sputnik. Иахьа Аҟәа Беигәа имҩаҟынтәи Ӡиӡариа имҩахь аихамҩа иҵысны инеиуа абжьысырҭа аадыртуеит.
Ари аҭыԥ аҿы аиҭашьақәыргыларатә усурақәа ирылагеит ԥхынгәы 14 рзы.
"Ари амҩаду аҟны ауадаҩрақәа ыҟан, акаҭран ықәҵхьан, аихатә хыцқәа ааԥшуан. Ҳауаажәлар рзы ауадаҩрақәа цәырнагон, рмашьынақәа ԥхасҭанатәуан", — иҳәеит "Ақалақьргыларапроект" анапхгаҩы Асҭамыр Ԥиԥиа.
Уи адагьы, акоммуналтә усбарҭақәа русзуҩцәа Аӡаԥшь аӡиас аҵа дрыцқьеит, ақәаураан ихымҵларц азы.