АҞӘА, нанҳәа 26 - Sputnik. Аҟәа ақалақь аҿы амузеи ҿыц аартра — Аԥсны акультуратә ԥсҭазаараҿы аҵак ҷыда змоу хҭысны иҟалеит, абас иҳәеит аҳәынҭқарра ахада Бадра Гәынба.
“Ари атеатралтәии алитературатәии ҭынха аиқәырхара адагьы, амилаҭтә хаҭара аҿиараҿы акыр зҵазкуа етапны иҟоуп”, — иҳәеит иара.
Аҳәынҭқарра ахада инаҵшьны иазгәеиҭеит, ари ахҭыс Урыстәылатәи Афедерациа Аԥсны ахьыԥшымра азхаҵара амш ишақәшәаз. Уи иажәақәа рыла, ари лымкаала акыр зҵазкуа ҟазшьоуп, иаанарԥшуеит атәылақәа ркультуратә еимадара ӷәӷәа.
Аҳәынҭқарра ахада иазгәеиҭеит Фазиль Искандер аурыси аԥсуеи культурақәа рзы мацара акәымкәа, адунеитә культуразгьы ихаҭара шдууӡӡоу.