АҞӘА, цәыббра 7 — Sputnik. Аҳәынҭқарра ахада Бадра Гәынба ААУ аректор Алеко Гәарамиа ииубилеи идиныҳәалеит ҳәа аанацҳауеит аҳәынҭқарра ахада ипресс-маҵзура.
Гәынба аҵарауаҩ аҭҵаареи аҵареи рыҿиараҿы иҟаиҵаз илагала азгәеиҭеит, иара инапхгарала ААУ атәыла азы аҭҵаарадырратә хшыҩҭреи аҟазацәеи разыҟаҵареи рыцентрны ишыҟалаз аликааит.
"Шәара шәуаҩытәыҩсатә ҟазшьақәа – агәаартра, аҟәыӷара, ацхыраара уҳәа – шәҩызцәеи, шәстудентцәеи, шәыуаажәлар рыбжьара гәык-ԥсык ала аҳаҭыр ду шәықәуп. Гәык-ԥсык ала шәзеиӷьасшьоит агәабзиара, шықәсы рацәала хра злоу шәус анагӡара, агәырӷьара" — ҳәа азгәеиҭеит иара.