АҞӘА, цәыббра 14 - Sputnik. Шәачатәи ацирк "Агәымшәақәа реҵәаџьаа" даҽа мчыбжьык Аԥсны иқәгылалоит, абри атәы Sputnik иазеиҭалҳәеит ацирк апрограмма администратор хада Вера Мешьанова.
Шәачатәи ацирк агастрольқәа цәыббрамза 14 рзы ихыркәшахар акәын.
Лара лажәақәа рыла, ари аҩыза аӡбамҭа идикылеит Урыстәыла аҳәынҭқарратә цирктә еилазаара анапхгаҩы Сергеи Белиаков Аԥсны акультура аминистрра адгыларала.
"Шәахәаԥшцәа гәыкала ҳрыдыркылоит, ақәгыларақәа зегьы рнапеинҟьыбжьқәа еихсыӷьра рықәым. Иаҳҭааз зегьы иҭабуп ҳәа ҳазымҳәаз аӡәгьы дыҟам", — лҳәеит лара.
Мешьанова илымоу адыррақәа рыла, рашәара 14 инаркны цәыббра 14 рҟынӡа апрограмма "Агәымшәақәа реҵәаџьаа" 48 қәгыларақәа мҩаԥнагеит. Ацирк иаҭааит 24 700-ҩык ауаа.
Шәачатәи ацирк агастрольқәа рашәара 14 рзы иалагеит, урҭ мҩаԥысуеит цәыббра 14 рҟынӡа. Апрограммаҿы иҟоуп аклоунцәа, алаԥшхырԥаҩцәаа, акробатцәа, бенгалтәи абжьасқәеи иазыҟаҵоу амшәқәеи злахәу ақәгыларақәа.
Абилеҭқәа рыҭираҟынтәи идырҳауа аԥара зегьы Аԥсны иаанхоит.